Mehrzweckgebäude Alosen - Aufrichte Holzbau erfolgt

Als Reaktion auf das "Plöder" an der Fasnacht im Alosen, hier das "Baustellenplöder" von Marcel Hegglin zur Aufrichte Mehrzweckgebäude Alosen:

Us diverse Gründ hend mer ned am Güdelmäntig chöne ufrichte,

dass het mer au a de Fasnacht im Alosen ghört brichte.

Am Äschemittwuch sind aber d’Manne vom Iten&Henggeler ufgfahre,

«Wenn denn das alles passt, sind mer denn grad echli d’Stare».

Und so isches denn au gsi und mer chan mit Freud verzelle,

es witers Objekt duet sich langsam zu de andere Hüüser gselle.

Bi super Wätter hät mer ufgrichtet und ned mal es bitz Föhn,

mer ghört sogar säge: Im Alosen isch es halt immer schön.

Duet ächt das Huus chli de Charakter vo de Alösler darstelle?

Oder was het das ächt mit dene ville Egge und Kante selle?

Mit Fassade, Installatione und so duets witer gah,

bald düend uf üsere Homepage witeri Ziile dinne stah.